Шуко пачеран пӧртлаште тӱшка погым шукырак олмыктымо

Шуко пачеран пӧртлаште тӱшка погым  капитально олмыктымо йодышым исполнительный кучем органлам вуйлатыше- влак дене координационный совещанийыште каҥашыме. Тудым тӱҥ федерал инспектор Павел Волков эртарен. Совещанийыште Республикысе прокурорын алмаштышыже Павел Шамов, Эл кӧргӧ паша министрын алмаштышыже Николай Хорошавин, федерал антимонопольный службын регионысо виктемжым вуйлатыше Анатолий Иванов, Ростехнадзор викетмым вуйлатышын алмаштышыже Елена Крылова, чоҥымаш министр Михаил Степанов да молат лийыныт. Погынымаште палемдыме: капитально олмыктымо шотышто план почеш ончычсо ийлаште ыштен шуктыдымо паша уке, пӧрт- влакым план деч шукырак олмыктымо. Тений 97 шуко пачеран пӧртышто тӱшка погым олмыктен пытарыман. Тидын годымак капитально олмыктымо программылан оксам ситарыме йодышым тарватыме. Взнос шотышто парым тений июльлан шотлымаште 228 миллион теҥгем эртен. Федерал инспектор Павел Волков ушештарен: планым шуктымо шотышто пашам умбакыже шуйыман да олмыктымо пашам терген шогыман.

Прошлые выпуски