Куженер районышто верысе инициативе- влакым илышыш шыҥдарыме

Куженер районышто верысе инициативе- влакым илышыш шыҥдарыме. Верысе тӱҥалтышлан полышым пуымо программе кышкарыште икмыняр проектым сайын шыҥдарыме. Тидын нерген республикын правительствыже увертара. Июльышто Шорсола ял илемыште каныме кумдыкым тӱзландарыме, шуко пачеран пӧртла воктелне теҥгылым, урным, беседкым, модмо да спорт оборудованийым вераҥдыме. Проектын акше 400 тӱжем теҥгеш шуын. Августышто «Сай корно чыла вере лийшаш» проект кышкарыште шӱгарла деке тыгыде кӱ шартышан 400 метр корным ыштыме. Тидлан 680 тӱжем теҥге каен. Тыгаяк корным Куженер посёлкысо Набережный уремыште 600 метр кужытышто чоҥымо. Акше- ик миллионат 200 тӱжем теҥге.

Прошлые выпуски