«Самырык профессионал- влак» чемпионатын лектышыжым иктешлыме
«Самырык профессионал- влак» эн кугу калыкле чемпионатын лектышыжым иктешлыме. Кодшо кечылаште Москошто 8-ше калыкле чемпионатым петырыме церемоний эртен. Тиде таҥасымаш элна мучко дистанционно-очный формат дене лийын. Тений тудо эн шуко- кум тӱжем утла участникым чумырен. Марий Эл гыч чемпионатыште 12 студент лийын. Нуно 11 компетенций ден профессионал мастарлыкыштым ончыктеныт. Нуно ик ший медальым да ныл медальоным налыныт. Йошкар-Оласе строительный техникум гыч Владислав Иванов Коҥгам оптымо паша дене ший медальым налын. Тыгак Дмитрий Хлебников кермыч оптымылан, Максим Лазарев кондитер пашалан, Илья Смышляев сеть да системе администрированийлан, Дарья Мосунова отельыште администрированийлан профессионализмыштлан медальон дене палемдалтыныт. Вес ийын чемпионатын калыкле финалже Уфа олаште лиеш.
