Республикыштына паллиативный полышым вияҥдаш оксам ойырымо
Республикыштына паллиативный полышым вияҥдаш 26 миллион утла теҥге оксам ойырымо. Паллиативный полыш тиде- чот черланыше- влакын орланымыштым шагалемдаш полшымаш. 17 медицина организацийлан медицина изделийым налаш 13 миллион утла теҥгем, эмым налаш 13 миллион утлам колтымо. Паллиативный медицина полыш кабинетлашке тений пел ийыште кок тӱжем утла еҥ толын. Медицинын выездной бригадыже тӱжем наре гана лектын коштын. Паллиативный пӧлкалаште 163 еҥым эмлыме, 300 утла пациентым медшӱжарын ончымо койкылаште эмлыме. Республике мучко паллиативный полыш шотышто регистрыште кок тӱжемат 417 еҥ шотлалтеш. Нунын кокла гыч 24 утла процентше корштымым шагалемдыше терапийым налеш.
