Уста кова-влак пырля чумыргат
У Торъял районышто модный кова- влакым кычалыт. Тушто поро йӱлаш савырныше «А ну-ка, кова-влак!» конкурс лиеш. Тушко эн талантан, артист койышан илалше удырамаш-влак погынат. Фестивальыш ушнаш тений нигуш кайыме ок кӱл. Тудо онлайн йӧн дене эрта. Сандене икмыняр номинаций дене фотом але видеороликым гына колтыман. Номинацийже тыгай улыт: кова-артистка, кова- озавате, кова- спортсменка, кова- модница. Конкурсым У Торъялысе рӱдӧ клуб системе ямдыла. Материалым 10-шо октябрь марте колтыман.
