Опытан профессионал- влак таҥасат

Республикыштына «Навыки мудрых» кумшо калыкле чемпионатын финалже тӱҥалеш. 25-ше гыч 27-ше сентябрь марте Россий мучко 50 ияш да кугурак ийготан- влаклан Ворлдскилс стандарт дене кумшо калыкле чемпионатын финалже эрта. Но пандемийлан кӧра финал тений икымше гана дистанций йӧн дене лиеш. Участник- влак заданийым шке кундемыштышт ыштат. Тӱҥ эксперт- влак таҥасымашым Новосибирск гыч эскераш да аклаш тӱҥалыт. Финалыште шке моштымашыштым уло эл гыч 200 утла ийготан профессионал- влак ончыктат. Мемнан республике ныл компетенцийыште участвоватла. Тиде- Повар паша, модын технологийже, пашам аралымаш, кермычым оптымаш. Таче да эрла таҥасымаш- влак лийыт, 27-ше кечын сеҥыше- влакым увертарат да чемпионат петыралтеш. Медаль- влакым регионлашке колтат да 2-шо октябрьыште нуным торжественно кучыкташ тӱҥалыт.

Прошлые выпуски