Шымше созыв Марий Эл Кугыжаныш Погынын икымше сессийже эрла лиеш
Шымше созыв Марий Эл Кугыжаныш Погынын шукерте огыл сайлыме депутатше- влак икымше гана пырля погыненыт. Нуно икымше сессийым эртарыме нерген мутланеныт. Ушештарена: Сайлымаш кечын эртыше йӱклымашын лектышыж дене келшышын, шымше созыв Марий Эл Кугыжаныш погыным тичмаш чумырымо: 39 депутатым ик мандатан сайлыме округла гыч сайлыме, 13 еҥым партий- влакын спискышт почеш. Совещанийыште депутат- влак икымше сессийлан ямдылалтме шотышто организационный комитетын пашажым иктешленыт да икымше сессийым 2-шо октябрьыште эртараш пунчалыныт.
