Йошкар-Олаште шошо вӱдшорлан ямдылалтыт
Йошкар-Олаште шошо вӱдшорлан ямдылалтыт. Ола округыш пурышо ялллаште кызытак шошо нерген шонаш тӱҥалыныт. Тидын нерген рӱдӧ ола мэрын икымше алмаштышыже Лев Покровский увертарен. Тидын шотышто паша Нолькышто, Шоя-Кузнецовышто, Апшак-Белякыште, Якимсолаште, Якимовский выселкыште да эше икмыняр вере шукталтеш. Тиде яллаште порядкылан вуйын шогышо Семёновкысо территориальный виктемын пашаеҥже- влак эҥер серлам терген коштыт, кушто вӱдкорным куштыра петырен кертмым ончат. Йоген толшо шӱк, укш, пырня, кугу ий вӱд шарлымашке конден кертыт. Ресурсым ситарыше организаций- влак, коммуникацийышт эҥер кундемлаште верланеныт гын, тыгак йодышан вер- влакым терген лектыт. Кызыт эртарыме пашан качествыже деч калыкын лӱдыкшыдымылыкшӧ шога,- иктешлен олам вуйлатышын алмаштышыже.
Фото: Лев Покровскийын ВК лаштыкше.
Фото: Лев Покровскийын ВК лаштыкше.
