«Советский» унагудын зданийжым капитально олмыкташ тӱҥалме
Йошкар-Олаште «Советский» унагудын зданийжым капитально олмыкташ тӱҥалме. Республикысе тӱвыра поянлык объектым олмыктымаш аралыме обязательство да тӱвыра министерствын терген шогымыжо почеш шукталтеш. Зданийым аварийныйлан шотлымо. Сандене тӱналтышыште фундамент ден фасадым пеҥгыдемдыме пашам шукташ кӱлеш. Лӱдыкшыдымӧ лийже манын унагудо йыр саварым шогалтыме. Ончылгоч шотлымо почеш капитально олмыктымо паша икмыняр ийым налеш. Кодшо ийын ноябрьыште олмыкташ инвесторым мумо. Унагудо 3 але 4 шӱдыр кӱкшытан да 120 деч шагал огыл номеран лиеш.
Фото: Йошкар-Ола администраций.
Фото: Йошкар-Ола администраций.
