Спортым вияҥдаш Правительствын грантшым налыт

Спортым вияҥдаш Правительствын грантшым налыт
Республикысе самырык политке, спорт да туризм министерстве физкультура ден спортым вияҥдаш Марий Эл правительствын грантшым налаш тенийсе конкурсышто сеҥыше- влакын спискыштым савыктен. Тушко 18 организаций пурен. Правительствын пеҥгыдемдымекыже, нунын коклаште ик миллионат 400 тӱжем теҥге грант окса шеледалтеш. Тушечын 700 тӱжемже «Тӱшка спорт» корно дене, молыжо «Эн кугу кӱкштыш шумо спорт» корно дене ойыралтеш. Тӱшка спортым вияҥдаш 50 тӱжем теҥге дене 11 организаций оксам налеш. 100 тӱжем теҥге дене  4 спорт клуб да спорт федераций палемдалтыт. Кок корныжымат вияҥдаш 150 тӱжем теҥге гыч иймаш дене олимпий резерв спорт школ, фитнес-аэробике федераций да сокыр- влак ушемын республикысе тӧнежышт налыт.

Прошлые выпуски