Йошкар- Оласе завод оборудованийым уэмда
Промышленностьым вияҥдыме фондын эксперт советше Йошкар- Оласе полупроводник прибор-влак заводын йодмашыжым ончен лектын да 298 миллион теҥге заёмым пуаш лийын. Окса радиоэлектроникыште микросхемым аралыше да сайын петырыше металлокерамик корпусым лукмо пашам уэмдашлан ойыралтеш. Проектын акше 622 миллион теҥгем эрта. Компаний тошто оборудованийым вашалташ шона. Производствым шушаш ийын нылымше кварталыште тӱҥалаш палемдыме. Предприятий тиде оксам 2024-ше ийын кумшо кварталыштыже тичмаш пӧртылтышаш.
