Студентка полиатлон дене Российын первенствыштыже кокымшо лийын
Йошкар-Ола гыч студентка полиатлон дене Российын первенствыштыже кокымшо лийын. Марий кугыжаныш университетын физкультура да спорт факультетыштыже кумшо курсышто тунемше Мария Петухова полиатлон дене Российын первенствыштыже кокымшо верым сеҥен налын. Таҥасымаш Калуга олаште эртен. Спортсменка 23 ияш марте юниорка- влак коклаште ӱчашен. Российысе студент спорт ушемын чемпионатшын абсолютный первенствыштыже Петухова кумшо верыш лектын. Марий Элын сборныйыштыже тыгак Юлия Минакова, Михаил Просторядин, Артём Артемьев, Максим Порфирьев да Александр Лаптев лийыныт. Команде- влакын тӱшка зачётыштышт полиатлон дене чемпионатыште Марий Элын спортсменже- влак кокымшо верым сеҥен налыныт. Икымше верыш Москон командыже лектын.
