Республикысе 85 процент шуко пачеран пӧрт ырыктыме тургымлан ямде

Республикысе 85 процент шуко пачеран пӧрт ырыктыме тургымлан ямде
                 Республикысе 85 процент шуко пачеран пӧрт ырыктыме тургымлан ямде. Марий Элым вуйлатыше Юрий Зайцев экологий, технологический да атом надзор шотышто федерал службын Юл кундемысе виктемжым вуйлатыше Азат Мубаракшин дене пашаче вашлиймашым эртарен. Мутланыме годым 2024-2025-ше шыже- теле тургымлан ямдылалтме йодышым каҥашыме. Калыкын илышыжлан кӱлешан да социал обеспечений объект- влакым олтымо тургымлан ямдылыме паша график почеш кая. Вараш кодмаш уке. Таче кечылан йӱштӧ жаплан 86 процент котельныйым, 85 процент шуко пачеран пӧртлам, 88 процент теплосетьым, 95 процент вӱд да канализаций сетьым ямдылыме. Республикысе капитально олмыктымо адресан программе кышкарыште тений 105 шуко пачеран пӧртым 861 миллион теҥгелан олмыктымо лиеш. 65 пӧртыштӧ пашам мучашлыме. Пеҥгыде топливым шапашлыме пашат чолган кая. 17 тӱжемат 700 тонн мландышӱйым шапашлыме. Тидыже олтымо тургымлан кӱлеш кугытын 80 утла процентше лиеш. Шокшым ситарыме системым модернизироватлыме кышкарыште  республикысе ныл районышто бюджет тӧнежлан шым котельныйыштым пеҥгыде топливо гыч газыш кусарат. Тыгак блочный модулян ик котельный чоҥалтеш. Волжский районышто кум котельныйым пужен ыштат да тушто оборудованийым вашталтат. Пашам олтымо тургым тӱҥалмеш мучашлышаш улыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски