Волжск олаште тротуар- влакым чоҥымо пашам шыжын икымше пелыштыже мучашлаш шонат
Волжск олаште тротуар- влакым чоҥымо пашам шыжын икымше пелыштыже мучашлаш шонат. Тений оласе калыкым у тротуар- влак олан тӱрлӧ ужашыштыже куандараш тӱҥалыт. Но чыла объектыштыжат паша ик семын писын ок кай. Мутлан, Кокымшо у уремын ик меҥгат 200 метр кужытыштыжо ошмам оптат, бордюрым вераҥдыме, вара тыгыде кӱм опташ да кок пачаш асфальтым пышташ кодеш. Подрядчик- Чуваший гыч «Юником Строй» ушем сентябрь кыдаллан мучашлаш шона. Советский- Чкалов уремлаште асфальтым шараш тӱҥалме. Коммунистический урем дене ушнымо марте изирак кужытым Звенигово ола гыч «Бетонстрой» ушем шукта. Тудак Прохоров уремыште тротуарым ышта. Лишыл жапыште Оласе парк деч тӱналын Ленин урем дене шуйнышо корнылан черет шуэш. Юбилейный уремыште асфальтым шушаш арнян шараш тӱналыт. Эше 4-ше номеран школ воктене Кузьмин уремым ышташ шонат.
Фото: Олег Коротков, Татьяна Курмаева.
Фото: Олег Коротков, Татьяна Курмаева.
