Республикыштына лишыл жапыште эше кок школым чоҥаш шонат

Республикыштына лишыл жапыште эше кок школым чоҥаш шонат
               Республикыштына лишыл жапыште эше кок школым чоҥаш шонат. Тунемме тӧнеж- влакын у тунемме ийлан ямде улмыштым ЦУР-ышто эртыше вияш эфирыште туныктыш министр Лариса Ревуцкая ден Юлтехын ректоржо Игорь Петухов каҥашеныт. Министр деке оласе калык деч пурышо икмыняр йодышыжо школлаште вер ситыдыме дене кылдалтын. Лариса Ревуцкая палемден: йодыш пӱсын шога. Но правительстве проблемым иземдаш манын шуко вийым пышта. Тений Восточный микрорайонышто тӱжемат 100 верлан школым почмо. Руэм посёлкышто 725 верлан школым чоҥымо паша мучпшыш лишемеш. Но чаманаш логалеш, школым чоҥымо паша кужу жапым йодеш. 2023-шо ийыште Йошкар-Оласе 9-ше А микрорайонышто тӱжемат шӱдӧ веран да Волжск олаште аварийный улшо 6-шо номеран школ олмеш 825 веран школым чоҥаш йодмашым пуымо. Октябрь тӱҥалтышыште нине объектлам чоҥаш федерал оксам налына манын ӱшаным кучена,- каласен Лариса Анатольевна. Тиддеч посна туныктыш министр тунемме тӧнеж- влакын мланде участкыштлан ревизвийым эртараш да школым кумдаҥдаш ешарен чоҥаш кӱлмӧ нерген ойлен. Вашлиймашыште тыгак туныктымо паша дене кылдалтше моло йодышымат каҥашыме.
           Фото: Марий Элысе ЦУР.

Прошлые выпуски