СВО-н ветеранже «Ачамландым аралыше- влакын кубкыштышт» кок шӧртньӧ медальым сеҥен налын

СВО-н ветеранже «Ачамландым аралыше- влакын кубкыштышт» кок шӧртньӧ медальым сеҥен налын
              Марий Эл гыч СВО-н ветеранже «Ачамландым аралыше- влакын кубкыштышт» кок шӧртньӧ медальым сеҥен налын. Уфа олаште СВО-н инвалидностян ветеранже- влаклан Регион кокласе кӱкшытан таҥасымаш- влак эртеныт. Нуно спортын куд видше дене таҥасеныт: пуля дене  лӱйкалымаш, армрестлинг, пикш гыч лӱйкалымаш, пауэрлифтинг, ӱстембал теннис да шинчышыла волейбол дене. Юл кундем да Урал федерал округла гыч 20 команде радамыште 100 утла спортсмен мастар-класслаште участвоватленыт, «Ачамландым аралыше- влак» фондын вуйлатышышт да Россий паралимпий комитетын еҥышт дене мутланеныт. Таҥасымашын лектышыже почеш 73 еҥым наградитлыме. Медаль зачётышто икымше верыш Башкортостанын сборныйжо, кокымшыш- Челябинск областьын, кумшыш Тюмень областьын командыже лектыныт. Марий Эл кок шӧртньӧ медальым налын. Кокытшат Алексей Суворовлан логалын. Тудо ӱстембал теннис да пуля дене лӱйкалымаште чапле лектышым ончыктен,- увертарат «Ачамландым аралыше- влак» фондын филиалыштыже.
           Фото: «Ачамландым аралыше- влак» фондын филиалже.

Прошлые выпуски