«Волгенчыште» школышто тунемше- влаклан икмыняр профилян смене эрта

«Волгенчыште» школышто тунемше- влаклан икмыняр профилян смене эрта
             Республикысе «Волгенчыште» школышто тунемше- влаклан икмыняр профилян смене эрта. «Чодыра йомак» лагерь негышеш ыштыше Талантан йоча- влакым пален налме да нунылан полшымо республикысе «Волгенче» рӱдерыште  идалык мучаш марте профилян икмыняр смене лиеш. Конкурсым эртыше ӱдыр-рвезе- влак тушто оксам тӱлыде каналтен кертыт. «Био-цейтнот» смена 4-ше гыч 8-ше декабрь марте пашам ышта. Тушто биологий, медицина, ял озанлык дене кылым кучышо йоча- влак лийыт. Кумылан- влак 23-шо ноябрь марте возалтыныт. 11-ше гыч 15-ше декабрь марте «Дизайн ден архитектура» смена погына. Кумылан- влак 26-шо ноябрь марте возалт кертыт. Эше ик смена: «Инженерно-технологий моделированийын негызше» маналтеш. Тудо 18-ше гыч 22-шо декабрь марте пашам ыштышаш. Тушко йодмашым 30-шо ноябрь марте налыт. Тиде жапыштак «Арт+» смена лийшаш. Тушкат йодмашым ноябрь мучаш марте пуыман, - увертара туныктыш министерстве.

Прошлые выпуски