Тӱшкагудым олмыкташ 125 миллион теҥгем ойырат
Марий Элыште тӱшкагудым олмыкташ 125 миллион теҥгем ойырат. Марий радиомехнический техникумын тӱшкагудыжым капитально олмыкташ палемдыме. Кугыжаныш закупко сайтыште вераҥдыме увер почеш, МРМТ-н студентше ден сотрудникше- влакын илыме зданийым олмыкташ 125 миллион теҥгем ойырымо. Олмыктымо паша рӱдӧ оласе Советский урем 156-шо пӧрт адрес дене шукталтеш. Чоҥышо бригаде- влак окнам, вӱд пучым, электровоштырым вашталтат. Зданийын фасадшым тӧрлат, балконлаште у чарак-кучем лиеш, пурымо омса- влакым вашталтат. Кӱвар оҥа- влакым тул пижме ваштареш раствор дене леведыт, пожар сигнализаций системым уэмдат. Пашам 6-шо январь гыч тӱҥалшаш улыт. Но мучашлыме жапше эше пале огыл.
Фото: Марийская правда.
Фото: Марийская правда.
