Тӱвыра министрын у алмаштышыже
Елена Бурнашева Марий Элысе тӱвыра министрын алмаштышыже лийын. Тӱвыра, печать да калык- влакын пашашт шотышто министерствын коллектившым да министерствыш пурышо организаций- влакын вуйлатышыштым министрын алмаштышыжын сомылжым жаплан шуктышо дене палымым ыштеныт. Тиде должностьым тымарте тӱссымыктыш тоштерым вуйлатыше Елена Бурнашева налын. Тидын шотышто распоряженийым Александр Евстифеев пеҥгыдемден. Елена Эдуардовна тоштер пашалан, тӱвыра аланыште туныктымо сомыллан, книгагудо ден усталык- ушем- влаклан мутым кучаш тӱҥалеш.
