Таче эше 15 еҥын коронавирус чержым пеҥгыдемдыме
Республикыштына таче кечылан эше 15 еҥын коронавирус чержым пеҥгыдемдыме. Тыге тӱшка чотшо 348 еҥыш шуын. Россий мучко тиде жаплан черланыше- влакын чотышт 62 тӱжемат 700 утла лийын. Кодшо суткаште гына ныл тӱжемат 700 утла еҥ ешаралтын. Ныл тӱжемат 891 еҥ черым сеҥен кертын. Но тидын годым 555 еҥ ӱмыр лугыч лийын. Тачысе кечылан шотлымаште республикыште 13 тӱжемат 851 лабораторный тергымашым эртарыме.
