Калыкым возен налмашке тӱжемат 600 еҥ ушна
Марий Элыште калыкым возен налмашке тӱжемат 600 еҥым ушымо. Теҥгече Переписьлан ямдылалтме да тудым эртарен колтымо шотышто Республикысе комиссийын черетан заседанийже эртен. Правительство председательын икымше алмаштышыже Михаил Васютин палемден: ямдылалтмаш мучашыш лишемеш. Шотлаш тӱҥалме марте кок арня кодеш. Маристатым вуйлатышын сомылжым жаплан шуктышо Инна Петрова переписьлан ямде улмо нерген увертарен. Чыла ола ден районлаште шотлышо еҥ- влакым тичмаш чумырымо. Резерв дене пырля чылаже тӱжемат 656 еҥ пашам ышташ ямде. Тидыже кӱлеш дечын 100 утла процент лиеш. Тиддеч посна переписчик семын вузлан студентыштат ушнат. Лӱдыкшыдымылык йодышат контрольышто лиеш. Шкеныштым начарын кучышо еҥ- влак деке эл кӧргӧ паша органын еҥже- влак дене пырля мият. Тыгак возен налше- влаклан пашам ышташ 206 пӧлемым ойырымо, 16 пӧлемыште возен налме документ- влак аралалташ тӱҥалыт. Тиддеч посна коронавирус инфекций пижме дечат чыла йодмаш тӱрыс шукталташ тӱҥалеш.
