Таче- интернетын кечыже

                 Марий Элысе 70 процент сурт озанлык интернет дене пайдаланен кертеш. Таче Российыште Интернетын кечыже палемдалтеш. Таче интернет элысе калыкын илышыже дечын ойыраш лийдыме ужашыш савырнен. Калык ден организаций- влак интернет дене кузе пайдаланат? Тидлан вашмутым Маристат пуа. Шымлен лекме почеш, 2020-шо ийыште республикысе пӱтынь сурт-озанлык гыч 70 процентше интернет дене  пайдаланен. Тидыже 2019-ше ийысе деч кум процентлан шукырак. Тушечын 30 процентше интернетыш лекташ стационар компьютерым кучылтын, 30 процентше мобильный компьютерым, 13 процент планшетым, 61 процентше телефоным але смартфоным кучылтын.

Прошлые выпуски