Сенатор Сергей Мартынов Марий Эл гыч ӱдырын шонымашыжым шуктен

Сенатор Сергей Мартынов Марий Эл гыч ӱдырын шонымашыжым шуктен
            Сенатор Сергей Мартынов Марий Эл гыч ӱдырын шонымашыжым шуктен. Федераций Советыште Марий Эл деч представитель Медведево район гыч 7 ияш Вера Паитован кумылжым шуктен. «Шонымашым шуктышо кож» поро кумыл акций кышкарыште Сергей Мартынов кож гычын ӱдырын аважын йодмашым возыман шарым мучыштарен налын. Ава ӱдыржылан велосипед- тренажёрым йодын. Йоча шочмыж годсекак тазалыкше верч кучедалеш. Тыште кеч-могай полышат кӱлешан. Тиде велосипед шке шотшо дене тренажёр улеш, тудо ӱдырлан вияҥашыже полша,- возен аваже. Пӧлек куандарыше лийже манын сенатор йодышым сайын шымлен да шуко опциян ӱзгарым ойырен налын: кумда шичме веран, йоллан эҥертыш да шуко молат уло. Тыге Медведево районысо Ким ялыш Йӱштӧ Коча ден Лумӱдыр  вучымо пӧлек дене толыныт, адакшым шере сийым да ӱдырлан курчакым конденыт. Тиде событий эсогыл кугыеҥ- влакланат сюрприз лийын. Ава Екатерина Владимировна тиде юзо тат лиеш манын ӱшаненат омыл, манын.
          Фото: Сергей Мартынов.

Прошлые выпуски