Марий Элым вуйлатыше Памашъял кӱ карьерын паша площадкылашкыже миен

Марий Элым вуйлатыше Памашъял кӱ карьерын паша площадкылашкыже миен
             Марий Элым вуйлатыше Памашъял кӱ карьерын паша площадкылашкыже миен. Шернур районыш паша дене мийымыже годым Республикым вуйлатыше Юрий Зайцев Памашъял карьерым ончен. Тудым 1956-шо ийыште почмо, 1958-ше ий гыч пайдаланаш тӱҥалме, 2022-шо ийыште тиде кумдыкым умбакыже эше шымлен лекме. Кӱ карьер республикыште тыгыдемдыме кӱым ыштыше ик кугу объект. Талукышто 300 тӱжем кубометр известнякым луктыт. Кодшо ийын тыгыде кӱым кок пачаш шукырак ышташ тӱҥалме. 2024-ше ийыште тушто тыршыше- влакын пашадарышт 50 процентлан кушкын. Организаций ял озанлык предприятий- влак денат кылым куча, рокым известковатлаш полша, оборудованийым уэмда. Тыгыде кӱм республикысе чоҥышо- влак гына огыл, Юл кундемысе моло регион гычат налыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски