Таче Марий Эл кугыжаныш Погынын нылымше сессийже лийын
Таче Марий Эл кугыжаныш Погыным вуйлатыше Михаил Васютинын вӱдымыжӧ почеш Погынын нылымше сессийже лийын. Чылаже 24 документ проектым ончен лекме. Депутат- влак алкоголь продукцийым ужалымашке ешартыш чарымашым пурташ келшеныт. У йодмаш почеш алкоголым 22 шагат гыч 11 шагат эр марте кевытлаште да тӱшкан кочмо верлаште (ресторан деч посна) ужалаш чаралтеш. Ончычсо ужалаш лийдыме кече- влак деке эше 11-ше сентябрьын Российысе Орвуян улмо кечым да 25-ше майын школлаште пытартыш йыҥгыр кечым ешарыме. Чарымаш шушаш ийын икымше сентябрь гыч вийым налеш. Тыгак шуко пачеран пӧртлам капитально олмыктымо нерген законыш вашталтышым пуртымо, Кресаньык (фермер) озанлык- влаклан пашам ышташ кугыжаныш але муниципал пого гыч мландым 100 гыч 200 гектар марте пуаш законым приниматлыме. Тыгак административный правонарушений, верысе самоуправлений нерген законыш вашталтышым пуртымо, моло документымат ончен лекме. Иктешлыше сессийыште чылаже республикын 15 законжым ла Кугыжаныш Погынын 28 пунчалжым пеҥгыдемдыме.
Фото: Марий Эл Кугыжаныш Погын.
Фото: Марий Эл Кугыжаныш Погын.
