Советский районышто Ачамландым аралышын идалыкшым почыныт
Советский районышто Ачамландым аралышын идалыкшым почыныт. Российын Президентше 2025-ше ийым Ачамландым аралышын идалыкше семын увертарен ыле. Талукым торжественно почмаш Советскийысе кокымшо номеран кыдалаш школышто эртен. Тушто идалык еда школын выпускникше, майор Сергей Ржавиным шарныме лӱмеш волейбол дене турнир эртаралтеш. Сергей лӱмын эртарыме ср операций кундемыште вуйжым пыштен. Таҥасымаште почётан уна- влак лийыныт да таҥасыше- влакым саламлен ойленыт. Турнирыште вич команде ӱчашен. Сеҥышыш «Дружба» команде лектын. Муниципал районым вуйлатыше Сергей Халтурин палемден: Ачамландым аралыше- влаклан пӧлеклалтше мероприятий- влак элна верч шке илышыштым пуышо- влакым пагалымашым ончыктымаш гына огыл, самырык- влак коклаште патриотизмым да социал ответственностьым шуарыме тӱҥ сомыл улыт.
Фото: Максим Петров.
Фото: Максим Петров.
