Марий Эл гыч Кугу Ачамланде сарын ветеранжылан 106 ий темын

Марий Эл гыч  Кугу Ачамланде сарын ветеранжылан 106 ий темын
             Марий Эл гыч  Кугу Ачамланде сарын ветеранжылан 106 ий темын. Ветеран Татьяна Румянцева 8-ше январьыште 106 ияш лийын. Ӱдырамашым шочмо кечыже дене саламлаш Республикысе паша да социал аралтыш министрын алмаштышыже Галина Ярцева миен да Юрий Зайцевын персонал саламлымашыжым да шарнымашан пӧлекым кучыктен. Татьяна Александровна 1919-ше ийын 8-ше январьыште Киров областьыште кресаньык ешеш шочын. Ныл классым тунем пытарымеке «Йошкар шӱдыр» колхоз дене илышыжым кылден, но пенсийыш «Санчурский» совхоз гыч каен. 1940-ше ийыште марлан лектын, но марийже сарыш каен да пленыш логалын. Туге гынат мӧҥгыжӧ пӧртыл кертын. Тыге нуно ныл ӱдырым да ик эргым ончен куштеныт. Кугу ийготан гынат. Татьяна Александровна эре сай кумылан. Тидлан лишыл еҥже- влак йӧным ыштен шогат. Вет тудын 5 икшывыже, 8 уныкаже, 8 кугезе уныкаже да кугезе уныкажын кок шочшыжо улыт,- увертара паша министерстве.
          Фото: Паша да социал аралтыш министерстве.

Прошлые выпуски