Марий Элым вуйлатыше коронавируслан кӧра калык деке обращений дене лектын

Марий Элым вуйлатыше Александр Евстифеев коронавируслан кӧра калык деке обращений дене лектын. Тушто ойлалтеш: республикышке коронавирус инфекцийым конден кертыт. Тудым тӱнямбал тазалыкаралтыш организаций пандемий семын увертарен. Черланыше- влак Марий Эл воктене верланыше чыла кундемыштат улыт. Кызытеш республикыште санитар- эпидемиологий сӱрет ласка кодеш. 23-шо мартлан шотлымаште мемнан дене черланыше  уке. Правительстве чыла кӱлеш мерым ышта. Оперативный штаб пашам ышта, утларак ямде улмо режимым пуртымо, шокшо телефон линийым почмо, калыкым тергаш йӧным ыштыме. Эм шапашым, маскым, дезинфицироватлыше средствым ямдылыме. Шаркалыме шояк уверлан ӱшанаш ок кӱл, лач тергыме, официальный сайтлаште савыктыме увер дене гына пайдаланыман. Поснак кугурак тукым да хронический черан еҥ- влаклан ушештарем: мӧнгӧ гыч лекташ ок кӱл. Тазалыкда да илышда шкендан кидыште. Кызытсе ситуаций шкем шке аралаш йодеш. Ача-ава- влак! Йочадан мӧҥгыштӧ шинчыме жапыште нунылан сомылым муза, иктаҥашышт, коча-ковашт дене вашлияш ынышт лек. Кызытсе обстановка чаткалыкым да ответственностьым йодеш, пеҥгыдемдыме правил- влакым шуктен толман.

Прошлые выпуски