Таче Российысе Печать кече палемдалтеш
Таче Российысе Печать кече палемдалтеш. Чыла савыктыме да электрон изданийлаште полиграфий пашаште тыршыше- влакын пайремышт. Республикыштына савыктыме да полиграфий пашаште 700 наре еҥ тырша. Таче Российыште Петр Великийын негызлыме «Ведомости» икымше газетым савыкташ тӱналмылан 320 ий темеш. Санденак Печать кече 13-шо январьыште палемдалтеш. Республикысе 77 органиазцийыште савыктыме пашаште 700 наре еҥ тырша. Нуно газетым, книгам, открыткым, этикеткым, ярлыкым да моло продукцийым луктыт, республикысе экономикышке шке надырыштым пыштат. Печать кечым журналист- влак кумданрак палемдат. Таче Правительстве пӧртыштӧ Республикым вуйлатыше Юрий Зайцев республикысе Тӱшка увер йӧныштӧ тыршыше- влакым профессионал пайремышт дене шке саламлен. Тений «Эн сай журналист семын» палемдыме Марий Эл радион тӱҥ редакторжо Владимир Матвеевлан Республикым вуйлатышын премийжым «Шӧртньӧ пером» кучыктен да Правительствын наградыжым сеҥен налше- влакым саламлен. Тиддеч вара чыла журналист- влак Республикысе Курчак театрыш Торжественный пайремыш погыненыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
