Таче Российысе Йӱштӧ Кугыза шочмо кечыжым палемда
Йӱштӧ Кугыза шочмо кечыже лӱмеш саламлымаш- влакым налеш. Таче Российысе Йӱштӧ Кугыза шочмо кечыжым палемда. Икымше гана тудо шке пайремжым официально 2005-ше ийыште палемден. Тиде датым йоча- влак шке шонен луктыныт, молан манаш гын, Теле Юзо лач йӱштӧ толмо жапыште шочшаш, А Великий Устюгышто йӱштӧ 18-ше ноябрь деч вара толеш. Российысе кочан родыжо- влакат шукын улыт. Нунын коклаште марий Йӱштӧ Кочат уло. Тудо Шернур районысо Кукнур илемыште ила. Тудымат, очыни, таче шочмо кечыже дене саламлат. Но тудын пашаже шуко. Кызыт шке полышкалышыже- влак дене тудо кыртмен у тургымлан ямдылалтеш. Уна, йоча да турист- влакым вашлияш кундемжым тӱзландара, программым уэмда. Адакшым тудын идемже деке чапле корным ыштыме.
