Тенийсе эн сай футболистшын лӱмжӧ 25-ше декабрьыште пале лиеш
Марий Элын тенийсе эн сай футболистшын лӱмжӧ 25-ше декабрьыште пале лиеш. Россий футбол кызыт изи теле канышым налын. Идалык мучашыште тудын лектышыжым иктешлат. Марий Элыштат тыгак. Тыште «Гордей» Марий профессионал футбол премий уло. Тудым тений 25-ше декабрьыште кучыкташ тӱҥалыт. Премийын ныл номинацийже уло. Тиде- эн сай кызыте футболист, кодшо ийласе герой, легенде- влак, кумшыжо- футболышто посна кӱкшытыш шумылан да пытартышыже 18 ияш марте эн сай футболист- влаклан- «Гордейчик». «2022-шо ийын футболистше» лӱм верч кызыт 10 футболист кучедалеш. Нуным 32 эксперт акла да интернетыште йӱклышӧ- влакын йӱкышт ик йӱк семын аклалтеш. Йӱклымаш ВК вотышто «Гордейын» лаштыкыштыже эрта. Ушештарена: «Гордей» премий шке лӱмжым ончычсо модшо Пётр Гордеевын лӱмдышыжӧ гыч налын. Тудым 60-шо70-шо ийласе болельщик- влак чот акленыт.
Фото: ВНД.
Фото: ВНД.
