Кугу ачамланде сарыште сеҥымылан 80 ий теммылан ямдылалтме йодышым патриотизм шӱлышеш шуарыме шотышто координационный советыште каҥашыме

Кугу ачамланде сарыште сеҥымылан 80 ий теммылан ямдылалтме йодышым патриотизм шӱлышеш шуарыме шотышто координационный советыште каҥашыме
              Кугу ачамланде сарыште сеҥымылан 80 ий теммылан ямдылалтме йодышым патриотизм шӱлышеш шуарыме шотышто координационный советыште каҥашыме. Советын заседанийжым Правительстве вуйлатышын икымше алмаштышыже Евгений Курмаев эртарен.  Погынышо- влак оборона да военный службын негызшылан тунемше еҥ- влак дене тунемме сборым эртарыме йодышым онченыт. Тиде мероприятий школлаште да профессионал тунемме тӧнежлаште тунемше- влак дене эртаралтеш  Совещанийыште тыгак Кугу Сеҥымашлан 80 ий теммылан ямдылалтмашым, шарнымашан вер- влакым мемориалыш савырыме, воин порысым шуктымо годым вуйым пыштыше воин- влакым шарнымашеш кодымо йодышым каҥашыме. Патриотизм шӱлышеш шуарыме йодыш деке Марий Элым вуйлатышат кугу тӱткышым ойыра. Заседанийын лектышыже почеш самырык- влакым военно-патриотизм шӱлышеш шуарыме «Авангард» рӱдерыште армий ийготыш  шудымо рвезе- влаклан тунемме сборым эртарыме пашам умбакыже шуяш кӱштымӧ. Тыгак Кугу Сеҥымашлан ямдылалтме тӱн план- влакым шукташ задачым шындыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски