Таче Татарстаныште марий тӱвыра кече- влак почылтыныт
Таче Татарстаныште Марий Элын 100 ияш лӱмгечыже вашеш марий тӱвыра кече- влак почылтыныт да 21-ше февраль марте шуйнат. Таче пошкудо кундемын Калык келшымаш пӧртыштыжӧ «Марийцы» фильмым ончыктат, а 18-ше февральыште «Нити судьбы» кинокартиным ончаш лиеш. Эрла Звениговысо калык кидмастар пӧртын специалистше- влак марий тӱр да аралыше курчакым ыштыме шотышто мастер- классым эртарат. Кастене Озаҥысе марий коллектив- влак дене пырля сылнысем программе лиеш. 15-ше февральыште кидпаша сымыктышым, Марий Элын Кугыжаныш архивше гыч документ- влакым да йоча сӱрет конкурсыш пурышо паша- влакым ончыктышо выставке- влак почылтыт. 21-ше февральыште Ленин лӱмеш тӱвыра-каныш комплексыште «Марий Эл» Кугыжаныш куштышо ансамбльын концертше лиеш. Коллектив лӱмгече программым ончыкта.
