Талантан еҥ- влак республикеш кодышт манын «школ-вуз- производство» кылым вияҥден шогаш кӱлеш
Эксперт- влакын мутышт почеш, талантан еҥ- влак республикеш кодышт манын «школ-вуз- производство» кылым вияҥден шогаш кӱлеш. Республикым вуйлатышын пашажым шуктышо Юрий Зайцев агропромышленный комплексыште, ай-ти инновацийыште да туризмыште кадрым ямдылыме нерген инициативым сайлан шотлен. «Бауман» лицейын генеральный директоржо Григорий Пейсаховичын темлымашыже республикысе вузла негызеш ончыкылыкан специальность- влакым вияҥдыме дене кылдалтын. Тудо каласен: айста Марий Элыште аграрий- влакын кӱкшӧ сеҥымаш, виян базыштым шотыш налын, ял озанлык кадрым ямдылыме эн сай вузым ыштена. Тидлан мемнан чыла йӧнна уло. Тидымак технический специальность- влак шотыштат каласаш лиеш. Виян база, профилян университет, производство уло. Туриндустрийланат квалификациян специалист- влакым ямдылыше ончыл вуз- влакым ыштыме шотыштат тыршаш кӱлеш. «Бауман» лицейын директоржо ешарен: тиде корно дене вияҥмаш регионлан кӱлешан специалист- влакым ситараш, экономикым нӧлташ колташ, моло кундем дене таҥастарымаште специальный ден кӱшыл шинчымашым таҥасен кертшым ышташ полша. Кыдалаш тунемме тӧнежла негызеш талантан йоча- влак дене пашам ыштымылан кугурак тӱткышым ойыраш кӱлеш. Туныктымо аланыште шке темлымашыжым тыгак пединститутын директоржо Елена Кондратенко ден молат ойленыт.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
