Рӱдӧ оласе Кугу Чигаш уремыште пашам икымше октябрь марте мучашлат
Рӱдӧ оласе Кугу Чигаш уремыште пашам икымше октябрь марте мучашлат. Тиде «Качестван лӱдыкшыдымӧ корно» калыкле проект кышкарыште норматив марте шуктышаш ик эн кужу корно. Кугу Чигаш урем Кокшайск проезд деч тӱҥалын, Крылов урем марте ик меҥгат 400 метрыш шуйна. Подряд организаций ямдылалтме пашам шуктен, кызыт тротуарым, тӱшка транспортлаш шичме площадкылам ыштат. Тыгак корно пашазе- влак корно шартышын негызшым ыштат. Палашлан оҥай: Кугу Чигаш ялым тыгаяк лӱман уремыш 30 ий утла ончыч савырыме. Ялын лӱмжӧ тушто эн ончыч верланыше Чигаш лӱман марий деч тӱналын. Кугу Чигаш ял шкенжын шочшыжо дене кугешна: тушто республикын калык писательже, МАССР Кугыжаныш премийын лауреатше Василий Юксерн шочын-кушкын, тӱналтыш школым тунем лектын.
Фото: Йошкар-Ола администраций.
Фото: Йошкар-Ола администраций.
