Курык марий районышто «Пеледыш айом» эртарышаш верым ончен лектыныт
Курык марий районышто «Пеледыш айом» эртарышаш верым ончен лектыныт. Тусо тӱҥ муро пайрем марте 17 кече гына кодеш. Пайремым 8-ше июньышто эртараш палемденыт. Сухин (Сиухино) ял воктене муро аланыште Район администрацийым вуйлатыше Наталья Арганякова ӧрдыжсӧ совещанийым эртарен. Каҥашыме тема мероприятийым ямдылыме, участник- влакым вераҥдыме, тӱн сценым ачалыме йодыш дене кылдалтын. Тыгак субботник- влакым эртарыме кече- влакым палемдыме. Район администрацийыште увертарыме почеш, тений уэмдыме программе вуча. Тушто уло республикысе калыкым ӱжыт.
Фото: Курык марий район администраций.
Фото: Курык марий район администраций.
