Республикыште эн сай школ столовыйлам ойыреныт

Республикыште эн сай школ столовыйлам ойыреныт
           Республикыште эн сай школ столовыйлам ойыреныт. «Школысо эн сай столовый-2024» Россий кӱкшытан конкурсын регионысо йыжыҥже эртен. Таҥасымашке школлан 11 поварышт ушненыт. Туныктыш министерствын ончыктымыжо почеш сеҥышыш лектыныт: «Йочам пукшымаште марий кочкышым шарен колтымаш» номинацийыште Килемар школ гыч Татьяна Лебедева, «Йочам пукшымаште эталон кочкыш» номинацийыште Медведевысе кокымшо школ гыч Михаил Бахтин, «Оласе эн сай школ столовый» номинацийыште Волжск оласе лицей гыч Елена Банных, Школ столовыйын эн сай поварже» номинацийыште Бауман лицей гыч Вера Казакова, «Ялысе эн сай школ столовый» номинацийыште Визымйар школ гыч Ираида Шуваева.
          Фото: Туныктыш министерстве.

Прошлые выпуски