Теле спортлан оборудованийым налме
Марий Элыште калыкле проект почеш теле спортым вияҥдаш оборудованийым налме. Республикым вуйлатыше Александр Евстифеев Рӱдӧ ола мучко паша дене коштшыжла «Марий Эл» Ий полатыш миен. Тушто «Спорт- илышын нормыжо» федерал проект кышкарыште налме спорт оборудованийым вераҥден пытареныт. Тений федерал бюджет гыч оборудованийым налаш 25 миллион теҥге субсидийым ойырымо. Спорт-туризм министр Лидия Батюкован мутшо почеш, тиде шийвундо дене интерактивный тренажёр- влакым, куржталме хоккей корным, ийым кылмыктен коштшо машинам, увер таблом; коньки ден спорт ӱзгарым коштымо установкым да моло оборудоваийым налме. Александр Евстифеевлан у оборудованиян тренажёр залым ончыктымо. Нуно чылажат Российыште ыштыме улыт. нуным налаш кум миллионат 300 тӱжем теҥгем кучылтмо. Тыгак вуйлаытше интерактивный тренажёр- влакым ончен. Нуно хоккей дене тренироватлалтме пашам йӧршын у кӱкшытыш нӧлталаш полшат. Чыла спортсмен- влак, поснак йоча шамыч, тыгай уэммашлан куанат манын шонем,- каласен вуйлатыше.
