Тений Русьым тынеш пуртымылан тӱжемат 35 ий да Йошкар-Ола ден Марий епархийым ыштымылан 30 ий теммым палемдат
Тений республикысе калык Русьым тынеш пуртымылан тӱжемат 35 ий да Йошкар-Ола ден Марий епархийым ыштымылан 30 ий теммым палемда. Тудлан ямдылалтмаш тӱҥалын. Кок событийлан ямдылалташ да эртарен колташ Марий Элым вуйлатышын распоряженийже дене оргаизационный комитетым ыштыме. Тушко профилян министерстве ден ведомствылан, регионысо православийын кӱшыл духовенствыже пуреныт. Оргкомитетым Правительстве председательын икымше алмаштышыже Михаил Васютин вуйлата. Республикым вуйлатыше икымше март марте планым ямдылаш кӱштен. Русьым тынеш пуртымылан 1035-ше ийым 28-ше июльышто палемдаш тӱҥалыт. Тиде кече тыгак Русьым тынеш пуртышо кугу князь Владимирым шарныме кече. Русьым тынеш пуртымо кече мемнан элыште кугыжаныш кӱкшытыштӧ 2010 ий годсек палемдалтеш.
