У ий да Рошто пайрем годым лӱдыкшыдымылыкым ыштыме йодышым правительствыште каҥашыме
Марий Эл Правительстве пӧртыштӧ Александр Евстифеевын вуйлатымыж почеш Терроризм ваштареш виктаралтше комиссийын да оперативный штабын пырля эртарыме заседанийышт лийын. Тушто У ий да Рошто пайрем- влаклан ямдылалтме да эртарен колтымо годым лӱдыкшыдымылыкым ыштыме да кучем орган- влакын терроризм ваштареш операцийым эртараш вий ден йӧныштын ямде улмыжо нерген йодышым каҥашыме. Республикым вуйлатыше тиде йодышын кӱлешлыкшым палемден да ведомство вуйлатыше- влаклан профилактике да умылтарыме пашам вияҥден колташ кӱштен. Заседанийыште вучыдымо ситуаций лекме годым вашкылым ыштыме схемым рашемдыме. Погынышо-влак тыгак транспортышто лӱдыкшыдымылыкым онченыт. Тӱшкан пайдаланыме республикысе корнышто транспорт инфраструктурын 175 объектше уло. Кажныж шотыштат аклымашым эртарыме. Заседанийыште тыгак терроризм ваштареш кучедалше комиссийын тенийсе пашажым иктешлыме да шушаш ийлан паша планжым пеҥгыдемдыме.
