Кугыжаныш премийым налше- влакын лӱмышт пале лийын

Кугыжаныш премийым налше- влакын лӱмышт пале лийын
Республикым вуйлатыше Александр Евстифеев сылнымут, сымыктыш, архитектура, шанче да технике аланыште 2018-ше -2019-ше ийлан талантан еҥ- влаклан Кугыжаныш премийым пуымо шотышто Указым пеҥгыдемден. Премийым 7 номинаций дене пуымо. Сылынымут аланыште Сергей Чавайн лӱмеш премийым поэт Геннадий Ояр «Илышпӧрдем» книгажлан налеш. Тӱссымыктыш аланыште Григорьев лӱмеш премийым Евгений Ярановлан пуымо. Музыкальный да калыкле художественный усталык аланыште Палантай лӱмеш премийым Морко хорым вуйлатыше Елена Григорьева, Эрик Сапаев лӱмеш опера да балет театрын солистше- влак Александр Шейпак, Эльвира Гурьева, Любовь Добрынина, Александр Столбов «Евгений Онегин» оперылан налыт. Театр сымыктыш аланыште Шкетан лӱмеш премийым режиссер Алексей Ямаев, пьесын авторжо Денис Осокин, семым возышо Григорий Архипов, куштымашым шындыше Марина Рыбак «Йӱд орол» спектакльлан налыт. Шанче аланыште Янтемир лӱмеш премий дене шанчыеҥ Алексей Кудрявцевым мемориал книгажлан, шанчыеҥ Юрий Демаковым монографийжылан палемдыме. Тыгак ял озанлык аланыште «Семёновский» племзаводын икмыняр еҥже, икымше кинде заводын 
специалистше- влак налыныт. Промышленность, транспорт, связь аланыште Вавилов лӱмеш премийым медицина экзоскелетым ыштыше инженер шанчыеҥ- влак налыныт.

Прошлые выпуски