Тӱҥалтыш класслаште тунемше- влакым шокшо кочкыш дене пукшаш тӱҥалыт

Тӱҥалтыш класслаште тунемше- влакым шокшо кочкыш дене пукшаш тӱҥалыт
Тӱҥалтыш класслаште тунемше- влакым шокшо кочкыш дене пукшымаш обязательный лиеш. Теҥгече Кугыжаныш Думын пленарный заседанийыштыже икымше лудмаште школышто йоча- влакым пукшымо принципым палемдыме шотышто законопроект каҥашалтын. Тӱҥ шотышто тӱҥалтыш класслаште тунемше- влак нерген ойлымо. Тиде йодышым Вячеслав Володин ден Валентина Матвиенко темленыт. Законопроектым Правителство председателят сайлан шотлен. Тудым пеҥгыдемдымеке тунемше- влак коклаште черланымашат шагалемшаш, - каласен Марий Эл деч Кугыжаныш Думын депутатше Светлана Солнцева. Шокшо кочкыш дене пукшаш оксам ойырымо да тудым шыҥдараш 20 миллиард наре теҥге окса кӱлеш лиеш. Йоча- влакым кечеш ик гана шокшо кочкыш дене пукшаш регион- влаклан федерал бюджет гыч субсидийым ойырымо йодышым кокымшо лудмашыште каҥашаш тӱҥалыт.

Прошлые выпуски