Тӱнямбал ӱдырамаш кечын республикысе корнылаште 42 йӱшӧ водительым кучымо
Тӱнямбал ӱдырамаш кечын республикысе корнылаште 42 йӱшӧ водительым кучымо. 6-шо гыч 9-ше март марте республикыште руль воктеке йӱшӧ вуя шичше- влакым рашемдыме мероприятий эртен. Тыге 42 еҥ нимом ончыде, подылмеке, руль воктеке шинчаш тоштын. Таҥастарашлан: Элым аралышын кечыжым палемдыме годым 33 еҥ логалын ыле. Шошо пайрем кечылаште тыгак тӱжемат 320 гана корно правилым пудыртымашым рашемдыме. Эмганымашан 4 ДТП лийын.
