Туныктышын да наставникын талукыштыжо грант конкурс, премий да нунын приз фондыштым ешарыме лиеш

Туныктышын да наставникын талукыштыжо грант конкурс, премий да нунын приз фондыштым ешарыме лиеш
             Туныктышын да наставникын талукыштыжо грант конкурс, премий да нунын приз фондыштым ешарыме лиеш. Тыгай тӱҥалтышым ыштен Марий Элым вуйлатыше республикыште Педагогын да наставникын идалыкшым торжественно почмо годым. Юрий Зайцев погынышо- влакым лӱмлӧ событий дене саламлен да ушештарен: Президентын увертарыме идалык туныктышо пашаеҥ- влакын ойыртемалтше статусыштым аклымаш. Республикыште ятыр уста, талантан туныктышо уло. Тыланда кӧра чолга, уста да талантан самырык тукым кушкеш. Кызыт Республикын правительствыже туныктымо йӱлам вияҥдаш, тунемме тӧнеж- влакын инфраструктурышым уэмдаш, профессионально кушкаш йӧным ыштымашке кугу вийым пышта,- каласен Юрий Зайцев. Республикыште ончыкылык педагог- влакым туныктымо система уло, самырык специалист да ялыште тыршыше- влаклан льготым палемдыме, федерал да республике кӱкшытан награде ден премий- влак пуалтыт, «Земский учитель» программе пашам ышта. Тений вуйлатышын мутшо почеш, конкурс ден грантын чотшо ешаралтеш.
             Торжественный церемоний мучашыште Республикым вуйлатыше награде- влакым кучыктен. «Марий Элын калык туныктышыжо» Чап лӱмым Тошто Торъял кыдалаш школын директоржо Иван Ельмекеевлан, Пайыскырык школын туныктышыжо Фаина Тихоновалан пуымо. «Марий Элын сулло туныктышыжо» лӱмым Козьмодемьянскысе школ-интернатын туныктышыжо Галина Бодулина, Памар школын туныктышыжо Галина Никитина, «Бауман» лицейын туныктышыжо Ирина Николаева налыныт. Правительствын чап грамотыжо дене Ургаш Лицей-интернатын туныктышыжо Валентина Балканова, Краснояр школын туныктышыжо Татьяна Семёнова палемдалтыныт. Тыгак Республикым вуйлатышын тауштымашыжым кум еҥлан увертарыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски