Марий Турек районышто очистной сооруженийым тений апрельыште чоҥаш тӱҥалыт
Марий Турек районышто очистной сооруженийым тений апрельыште чоҥаш тӱҥалыт. Тудо Косолоп селаште ышталтеш. Кызыт пашам ыштыше сооружений 99 процентлан тоштемын. Тушеч лекше вӱд Юл эҥерыш йогышо Буй эҥерыш логалеш. Суткаште 120 кубометр лавыра вӱдым эрыктен кертше очистной экологийым саемдаш полша. Вӱдышко лавыра, южышко амыртыше пуш шагалрак логалеш. Палемдыме почеш очистной сооружений персоналын эре тушто лиймыже деч поснат пашам ышта. Обслуживатлашлан кечыште кок шагатлан эскераш ик сотрудник гына кӱлеш Объектын акше 23 миллионат 500 тӱжем теҥгешке шуэш. Пашам тений ноябрьлан мучашлышаш улыт.
