Марий Эл гыч волончелист- влак ансамбль Москошто мастарлыкшым ончыктен
Марий Эл гыч волончелист- влак ансамбль Москошто мастарлыкшым ончыктен. Калыкле сымыктыш гимназийын кугурак виолончелист- влак ансмабльже Владимир Спиваковын Тӱнямбал поро кумыл фондшын ӱжмыжӧ почеш «Ӱшанын волгыдыжо» концертыш ушнен. Фондын пашаже сымыктыш аланыште самырык талант- влаклан профессионал полышым пуымашке, нунылан усталыкыштым вияҥдаш сай йӧным ыштымашке виктаралтын. Ансамбль ойырен налмаште сеҥыше кокла гыч иктыже да иктешлыше концертын участникше лийын. «Ӱшанын волгыдыжо» концерт Москошто Семын тӱнябал пӧртыштыжӧ эртен. Коллективым Елена Рыбакова вуйлата, концертмейстерже- Марий Эл сымыктышын сулло деятельже Эллина Архипова. Йоча- влак кум произведенийым ончыктеныт. «Ӱшанын волгыдыжо» проектын эксперт советше виолончелист- влакын кугурак ансамбльжын солисткыже София Григорьевалан стипендийым пуаш пунчалын.
Фото: Тӱвыра министерстве.
Фото: Тӱвыра министерстве.
