Илья Беловын пашаже «ФормАРТ» фестивальыште кокымшо верым сеҥен налын
Илья Беловын пашаже «ФормАРТ» фестивальын 5-ше лӱмгече тургымыштыжо кокымшо верым сеҥен налын. Юл кундем федерал округын «ФормАРТ» стрит-арт фестивальжын 5-ше тургымжын сеҥышыже- влакым рашемдыме. Фестивальыш чылаже 232 йодмашым пуымо улмаш. Сеҥыше ден призёр- влакым калык йӱклымашын лектышыжым да эксперт- влакын шонымашыштым шотыш налын палемдыме Эн сайлан Самара область гыч «Ӱмыл- влакын модмышт» пашаже дене Дмитрий Горшковым шотлымо. Кокымшо верым Марий Эл гыч «Ме чыланат ик пушышто улына» пашаже дене Илья Белов ден Саратов область гыч «Ватрушки» пашаже дене Юлия Чиженькова пайленыт. Кумшо верым Башкортостан гыч «Еш мемнан ончыкылыкыш поянлыкна» пашаже дене Лилия Синюкова налын. Сеҥыше- влак шке усталыкыштым вияҥдаш 100 гыч 200 тӱжем теҥге марте грант дене палемдалтыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
