Ынде Волжск олан мэрже уло

               Волжск олан мэржым сайлымаш эртен. Теҥгече Волжск оласе ола погынымашын депутатше- влак  черетдыме 17-ше сессийыште администрацийым вуйлатышым ойыреныт. Олан у мэржылан Йошкар-Ола гыч Евгений Лебедевым сайлыме. 19 депутат кокла гыч 13-шо тудын верч йӱклен. Лебедев деч посна эше Ольга Асеинова ден Елена Сенченкон кандидатурышт лийын. У мэр Йошкар-Олаште шочын. Озаҥысе авиационный институтым тунем пытарен, Эл кӧргӧ паша министерствын тӱрлӧ структуро подразделенийыштыже пашам ыштен.
               Таче республикым вуйлатыше Александр Евстифеев Волжск олан у мэрже дене вашлиймашым эртарен. Тендам сайлымашыште ӱшанлын сеҥыме дене саламлем. Тидыже ӱшаныме нерген ойла. Ынде ӱмбакыда кугу паша возеш, манын тудо да пӱсын шогышо, ышташ тӱҥалме паша- влакым ушештарен ойлен. Олаште пашам калыкын шонымашыжым шотыш налын ыштыман каласен тудо. Тымарте мэрын сомылжым шуктышо Алексей Веселовлан кугу таум каласен.

Прошлые выпуски