Марий универститет «Калык управдом» программе почеш тунемаш ӱжеш
Марий универститет «Калык управдом» программе почеш тунемаш ӱжеш. Занятий- влак 19-ше март гыч 22-шо апрель марте кушкыжмо да изарня еда 17 шагатат 30 минут гыч 19 шагат марте эртаралтыт. Тунеммылан оксам тӱлаш ок кӱл. Курсым колыштшо- влак илыме вер да коммунал озанлык, тудым кучымо да виктарыме йодыш- влакым радамлат. Занятийым чоҥымаш, архитектура, илыме вер да коммунал озанлык министерствын, кугыжаныш илыме вер надзор департаментын, ола администрацийын еҥышт эртарат. Курс деч вара МарГУ-н сертификатше пуалтеш. Курс 19-ше мартыште 17 шагатат 30 минутышто «Точка кипений» площадкыште почылтеш.
