Волонтёр- влаклан Россий Президентын медальжым кучыктеныт
Республикысе спорт-туризм министерствыште волонтёр- влаклан Россий Президентын медальжым кучыктеныт. Кундемышкына Россий Федераций Президентын 144 медальжым кондымо. Нуным «Мы вместе» Российысе акций кышкарыште волонтёр- влаклан кучыктат. Тений 15-ше мартыште добровольчествылан полшышо ресурс рӱдерыште «Мы вместе» регионысо волонтёр штаб пашам ышташ тӱҥалын. Волонтёр- влак пандемий жапыште илалше, коштын кертдыме- влаклан полышым пуэныт. Апрель гыч чыла ола округ ден муниципал районлаште муниципал штаб- влак ышталтыныт. Нуно 20 тӱжем утла кочкыш-сату наборым намиен пуаш полшеныт, Сеҥымаш кечылан пӧлеклалтше акций ден мероприятийлаште участвоватленыт. Акций жапыште республикыштына регистрацийым эртыше 331 волонтёрым шотлымо. Эн ойыртемалтше волонтёр, регион да муниципал штаблаште тыршыше- влак, ОНФ-ын, СМН-н еҥже- влакым Россий президентын шарнымашан медальже наградитлаш ыштыме.
